എല്‍ ബി ഡബ്‌ളു, ലെച്മി, ഗ്രാമവാസീസ് തുടങ്ങിയ മികച്ച ചിത്രങ്ങളിലൂടെ ശ്രദ്ധേയനായ സംവിധായകന്‍ ബി.എന്‍ ഷജീര്‍ഷാ സംവിധാനം ചെയ്യുന്ന പുതിയ ചിത്രമാണ് പതിമൂന്ന് .ഷാബ്രോസ് എന്റെര്‍റ്റൈന്മെന്റ്‌സ് , ഫസ്റ്റ് ലുക്ക് മീഡിയ എന്നിവയുടെ ബാനറില്‍ നിര്‍മ്മിക്കുന്ന ഈ ചിത്രത്തിന്റെ ചിത്രീകരണം പൂര്‍ത്തിയായി ഉടന്‍ റിലീസ് ചെയ്യും.
പതിമൂന്ന് വയസുള്ള രണ്ടു പെണ്‍കുട്ടികളുടെ ജീവിതത്തിലൂടെ വികസിക്കുന്ന സിനിമ ഇന്നത്തെ സമകാലീന രാഷ്ട്രീയം ചര്‍ച്ച ചെയ്യുന്നു. മാറിയ കാലത്തില്‍ നമ്മുടെ പെണ്‍കുട്ടികള്‍ സ്വന്തം വീടുകളില്‍ പോലും എത്രമാത്രം സുരക്ഷിതര്‍ ആണ് എന്ന ചോദ്യവും സിനിമ മുന്നോട്ട് വെക്കുന്നു. വ്യത്യസ്തമായ കഥയും അവതരണവും കാഴ്ചവെക്കുന്ന സിനിമ എല്ലാ പ്രേക്ഷകരെയും ആകര്‍ഷിയ്ക്കും.
ഫാരിയാ ഹുസൈന്‍ , അപര്‍ണ്ണാ ഗൗരി എന്നിവര്‍ മുഖ്യ കഥാപാത്രത്തെ അവതരിപ്പിക്കുന്ന ചിത്രത്തില്‍,ഷബീര്‍ , രാജേഷ് ആര്‍ നായര്‍ , അജിത് ,സാബു തിരുവല്ല , ദീപു ക്രിസ്സ് , നീതു ലാല്‍, ആര്‍ദ്രാ രാജ് എന്നിവരും പ്രധാന വേഷങ്ങളില്‍ എത്തുന്നു.
ഷാബ്രോസ് എന്റര്‍ടൈമെന്റ്‌സ്, ഫസ്റ്റ് ലുക്ക് മീഡിയ എന്നിവയുടെ ബാനറില്‍ ബി.എന്‍. ഷജീര്‍ഷാ കഥ, തിരക്കഥ,സംവിധാനം നിര്‍വ്വഹിക്കുന്ന ചിത്രമാണ് പതിമൂന്ന്. ക്യാമറ -ആനന്ദ് കൃഷണ , എഡിറ്റിംഗ്, കളറിംഗ് – സുഹാസ് രാജേന്ദ്രന്‍ , കലാ സംവിധാനം -രാജേഷ് ട്വിങ്കിള്‍ , വസ്ത്രലങ്കാരം -സച്ചിന്‍ കൃഷ്ണ , മേക്കപ്പ് – ശ്രീജിത്ത്കലൈഅരസ്, പ്രൊഡക്ഷന്‍ഡിസൈനര്‍ -സാബു തിരുവല്ല , സംഗീതം – ബഷീര്‍ നൂഹ് , ഗാനരചന – ഷാഹിദാ ബഷീര്‍ , ഗായിക -പാര്‍വതി അജിത്, ബാഗ്രൗണ്ട് സ്‌കോര്‍ – ധീരജ് സുകുമാരന്‍ , ശബ്ദമിശ്രണം -വിഷ്ണു വി എന്‍, വി എഫ്എക്സ് -സന്ദീപ് കൃഷ്ണ , അബ്ദുള്‍ നാഫി , നിര്‍മ്മാണ സഹായികള്‍ – അജിത് , സാജന്‍ വെള്ളൂര്‍ , സതീഷ് ,സ്റ്റുഡിയോ -ഫസ്റ്റ് ലുക്ക് മീഡിയ,എം എസ് മ്യൂസിക് ഫാക്റ്ററി, പി.ആര്‍.ഒ- അയ്മനം സാജന്‍. പ്രമുഖ ഒ ടി ടി ഫ്‌ലാറ്റുഫോമുകളിലൂടെ പതിമൂന്ന് ഉടന്‍ പ്രേഷകരുടെ മുന്നിലെത്തും.
