ആലുവ: ഡോ. എ.പി.ജെ. അബ്ദുല്‍കലാം സ്റ്റഡി സെന്റര്‍ ഏര്‍പ്പെടുത്തിയ ‘കേരളീയം’ പുരസ്‌കാരം നടി പ്രീയങ്ക അനൂപിന് അന്‍വര്‍ സാദത്ത് എം.എല്‍.എ സമ്മാനിച്ചു. ഇരുനൂറോളം ചിത്രങ്ങളില്‍ വ്യത്യസ്ഥ വേഷങ്ങളില്‍ തിളങ്ങിയ പ്രീയങ്കക്ക് ഫ്‌ളവേഴ്‌സില്‍ സംപ്രേഷണം ചെയ്യുന്ന സുഖമോ ദേവിക്കാണ് (ഭാര്‍ഗ്ഗവി) പുരസ്‌കാരം ലഭിച്ചത്.
സ്റ്റഡി സെന്റെര്‍ ഡയറക്ടര്‍ പൂവച്ചല്‍ സുധീര്‍ അദ്ധ്യക്ഷത വഹിച്ചു. അഡീ. അഡ്വക്കേറ്റ് ജനറല്‍ അഡ്വ. കെ.പി. ജയചന്ദ്രന്‍ സ്‌നേഹാദരവ് സമ്മാനിച്ചു. ആലുവ നഗരസഭാ ചെയര്‍മാന്‍ എം.ഒ. ജോണ്‍, ബാംബു കോര്‍പ്പറേഷന്‍ ചെയര്‍മാന്‍ ടി.കെ. മോഹനന്‍ നഗരസഭാ പ്രതിപക്ഷനേതാവ് ഗെയില്‍സ് ദേവസി പയ്യപ്പിള്ളി, നടന്‍ സേവ്യര്‍ പുല്‍പ്പാട്, നടി പ്രിയങ്ക, കെ.ജെ.യു സംസ്ഥാന ജനരല്‍ സെക്രട്ടറി കെ.സി. സ്മിജന്‍, എം.കെ.കെ.ഫൗണ്ടേഷന്‍ ചെയര്‍മാന്‍ പൂവച്ചല്‍ നാസര്‍ തുടങ്ങിയവര്‍ സംസാരിച്ചു.
