മൂവാറ്റുപുഴ: വീനസ് പെയിന്റിന്റെ നവീകരിച്ച ഷോറും ഇന്ന് മൂവാറ്റുപുഴയില്‍ തുറക്കും. സംസ്ഥാനത്തെ ഏറ്റവും വലിയ പെയിന്റ് ഷോറുമുകളില്‍ ഒന്നാണ് എം.സി റോഡില്‍ മൂവാറ്റുപുഴയ്ക്കടുത്ത് വാഴപ്പിള്ളിയില്‍ പ്രവര്‍ത്തനം ആരംഭിക്കുന്നത്. വെള്ളിയാഴ്ച
വൈകിട്ട് അഞ്ചിന് ഡീന്‍ കുര്യാക്കോസ് എം.പി ഷോറും ഉദ്ഘാടനം നിര്‍വഹിക്കുമെന്ന് കമ്പനി ഡയറക്ടര്‍ മുഹമ്മദ് സി.എസ്. പത്രസമ്മേളനത്തില്‍ അറിയിച്ചു.
10,000 സ്‌ക്വയര്‍ ഫീറ്റ് വലിപ്പത്തിലുള്ള വിശാലമായ ഷോറൂമാണ് ഒരുക്കിയിട്ടുള്ളത്. രാജ്യത്തെ ഒട്ടുമിക്ക മുന്‍നിര കമ്പനികളുടെ ഡീലര്‍ഷിപ്പ് ഇവര്‍ നേടിയിട്ടുണ്ട്. വാട്ടര്‍ പെയിന്റുകളുടേയും ഓയില്‍ പെയിന്റുകളുടേയും വിപുലമായ കളക്ഷന്‍ ഒരു കുടക്കീഴില്‍ ലഭിക്കുന്നു എന്നതാണ് പ്രധാന ആകര്‍ഷണം. 1965 മുതല്‍ പിതാവ് ഹോട്ടല്‍ വ്യവസായത്തിലൂടെ നേടിയ വിശ്വാസ്യതയാണ് ഇന്നും തങ്ങളെ നയിക്കുന്നതെന്ന് ഇവര്‍ പറയുന്നു. മറ്റു ഡയറക്ടര്‍മാരായ ഹാരിസ് സി.എസ്, സഹീര്‍ സി.എസ് എന്നിവരും പത്രസമ്മേളനത്തില്‍ സംബന്ധിച്ചു.
