പെട്രോള്‍, ഡീസല്‍ വില റോക്കറ്റ് പോലെ കുതിക്കുന്നു. തുടര്‍ച്ചയായി നാലാം ദിവസമാണ് പെട്രോള്‍-ഡീസല്‍ വര്‍ധിച്ചത്. പെട്രോള്‍ ലിറ്ററിന് 40 പൈസയും ഡീസല്‍ 45 പൈസയുമാണ് കൂട്ടിയത്. ഇതോടെ പെട്രോള്‍ വില ഡല്‍ഹിയില്‍ 73.40 രൂപയായി. ഡീസലിനാകട്ടെ 71.62 രൂപയും. നാലുദിവസംകൊണ്ട് പെട്രോളിന് 2.14 രൂപയും ഡീസലിന് 2.23രൂപയുമാണ് വര്‍ധിച്ചത്. ലിറ്ററിന് 18 രൂപ അടിസ്ഥാന വിലയുള്ള പെട്രോള്‍ കൊച്ചിയില്‍ വാഹനത്തില്‍ നിറയ്ക്കുമ്പോള്‍ ബുധനാഴ്ച നല്‍കേണ്ടിവരുന്നത് 73.56 രൂപയാണ്.
പതിനെട്ടര രൂപയുള്ള ഡീസലിനാകട്ടെ 67.84 രൂപയും. 82 ദിവസത്തെ ഇടവേളയ്ക്കുശേഷം കഴിഞ്ഞ ഞായറാഴ്ചയാണ് വിലകൂട്ടാന്‍ തുടങ്ങിയത്. മേയ് ആറിന് റോഡ് സെസും എക്‌സൈസ് തീരുവയുമായി പെട്രോളിന് പത്തുരൂപയും ഡീസലിന് 13 രൂപയും കേന്ദ്രം വര്‍ധിപ്പിച്ചു. കോവിഡ് ക്കാമായിട്ടും കേന്ദ്രത്തിന്റെ തീവെട്ടിക്കൊള്ളയ്ക്ക് അറുതിയില്ല. ലോക്ക് ഡൗണ്‍ പിന്‍വലിച്ചതോടെ വിപണികളും സജീവമായി ഉണര്‍ന്നിരിക്കുകയാണ്. ഇനിയും വില കൂടാനാണ് സാധ്യതയെന്നാണ് ഔദ്യോഗിക വിലയിരുത്തല്‍.
