കോഴിക്കോട്: ഓമശ്ശേരിയില്‍ ഫര്‍ണിച്ചര്‍ കടയില്‍ തീപിടുത്തം. ഓമശ്ശേരി താമരശ്ശേരി റോഡില്‍ സബ്ഹാന്‍ ഫര്‍ണിച്ചര്‍ കടയിലാണ് തീപിടിത്തമുണ്ടായത്. ഉച്ചയ്ക്ക് 12 മണിയോടുകൂടിയായിരുന്നു സംഭവം. ഫര്‍ണിച്ചറുകള്‍, തലയിണകള്‍ ഉള്‍പ്പെടെയുള്ളവ കത്തി നശിച്ചു.
മൂന്ന് നിലകളിലായി പ്രവര്‍ത്തിക്കുന്ന ഫര്‍ണിച്ചര്‍ കടയുടെ താഴത്തെ നിലയിലെ ഗോഡൗണിലാണ് തീ പടര്‍ന്നത്. ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം. മുക്കത്തു നിന്ന് അഗ്‌നിശമനസേനയുടെ രണ്ട് യൂണിറ്റുകളെത്തിയാണ് തീയണച്ചത്. ഫര്‍ണിച്ചര്‍ കടയുടെ മൂന്നാം നിലയില്‍ ജീവനക്കാരുണ്ടായിരുന്നെങ്കിലും ഫയര്‍ഫോഴ്സിന്റെ സമയോചിതമായ ഇടപെടല്‍മൂലം വലിയ ദുരന്തം ഒഴിവായി.
