മൂവാറ്റുപുഴ : പാലിയേറ്റീവ് ദിനത്തില്‍ വിവിധ പരിപാടികള്‍ നടത്തി മൂവാറ്റുപുഴ തണല്‍ യൂണിറ്റ് . പൊലീസിന്റെ സഹകരണത്തോടെയാണ് വയോജനങ്ങളെ ആദരിക്കല്‍, മെഡിക്കല്‍ ക്യാമ്പ്, മരുന്ന് വിതരണം തുടങ്ങിയവ നടത്തിയത്. പേഴയ്ക്കാപ്പിള്ളി തണല്‍ വില്ലേജില്‍ നടന്ന പരിപാടി കോതമംഗലം സബ് ഇന്‍സ്പെക്ടര്‍ കെ.പി. സിദ്ധീഖ് ഉദ്ഘാടനം ചെയ്തു. തണല്‍ ചെയര്‍മാന്‍ സി.എ. ബാവ അധ്യക്ഷത വഹിച്ചു. ചടങ്ങില്‍ ദീര്‍ഘ കാലമായി തണല്‍ ഒ. പി യില്‍ സേവനം അനുഷ്ഠിച്ചു വരുന്ന ഡോ. കെ. പി. ജേക്കബിനെ മെമെന്റോ നല്‍കി ആദരിച്ചു. പതിനഞ്ച് വയോധിക രെയും ചടങ്ങില്‍ ആദരിച്ചു.
പാലിയേറ്റീവ് ദിനത്തോടനുബന്ധിച് നടത്തിയ സ്‌പെഷ്യല്‍ ഹോംകെയറിലും മെഡിക്കല്‍ ക്യാമ്പിലും പേഴയ്ക്കാപ്പിള്ളി ഗവ. ഹയര്‍ സെക്കന്‍ഡറി സ്‌കൂളിലെ എന്‍. എസ്. എസ് വളണ്ടിയര്‍മാരും അധ്യാപകരും പങ്കെടുത്തു. യോഗത്തില്‍ തണല്‍ ട്രസ്റ്റ് സെക്രട്ടറി നാസര്‍ ഹമീദ്, വര്‍ക്കിങ് കമ്മിറ്റി പ്രസിഡന്റ് കെ. വൈ. സാദിഖ് മുഹമ്മദ്, കെ.കെ. മുസ്തഫ, വി.കെ.യാസര്‍ , തുടങ്ങിയവര്‍ സംസാരിച്ചു. ലൈല സാദിഖ്, ബിന്ദു വേലായുധന്‍, റംല അസീസ്, ഷമീമ റഫീഖ്, തസ്നി ഈസ, ഫാത്തിമ ടീച്ചര്‍, ഷിയാസ്, പി.ഇ.ഈസ, ഹസീന റഷീദ്, ലൈല മീരാന്‍ ഇടപ്പാറ, ടി.യു .അന്‍വര്‍ , ബാവ കളപ്പുരയില്‍, എന്നിവര്‍ നേതൃത്വം നല്‍കി.
