മുവാറ്റുപുഴ :കേരള പ്രവാസി സംഘം പായിപ്ര മേഖല കമ്മിറ്റിയുടെ നേതൃത്വത്തില്‍ വിക്ടേഴ്‌സ് ചാനലിലൂടെ ക്ലാസെടുത്ത് ശ്രദ്ധേയനായ പായിപ്ര ഗവ.യുപി സ്‌കൂള്‍ അധ്യാപകന്‍ കെ.എം നൗഫല്‍ മാസ്റ്ററെ ആദരിച്ചു. കേരള പ്രവാസി സംഘം ഏരിയ കമ്മിറ്റി രക്ഷാധികാരി കെ എസ് റഷീദ് പൊന്നാടയണിയിച്ച് ആദരിച്ചു. പ്രവാസി സംഘം പായിപ്ര മേഖല പ്രസിഡന്റ് സിറാജ് മൂശാരി സെക്രട്ടറി അഫ്‌സല്‍ എള്ളുമല എന്നിവര്‍ ചേര്‍ന്ന് സ്‌നേഹോപഹാരം സമര്‍പ്പിച്ചു. ലോക്കല്‍ സെക്രട്ടറി വി എസ് മുരളി,വ്യാപാരി വ്യവസായി ഏരിയാ കമ്മിറ്റി അംഗം സി.പി റഫീഖ്, പ്രവാസി സംഘം ഏരിയ കമ്മിറ്റി അംഗം ജബ്ബാര്‍ കുന്നുമ്മേക്കുടി എന്നിവര്‍ സംസാരിച്ചു.
