കൊച്ചി: ആലുവയില്‍ ബൈക്കുകള്‍ കൂട്ടിയിടിച്ച്‌ യുവതി മരിച്ചു. തൃശൂര്‍ മേലൂര്‍ സ്വദേശിനി ലിയ(21) ആണ് മരിച്ചത്.പുളിഞ്ചോട്ടില്‍ ഇന്ന് രാവിലെ ആറിന് മെട്രോ പില്ലര്‍ അറുപതിന് സമീപത്തായിരുന്നു അപകടം. ബൈക്ക് ഓടിച്ച കൊരട്ടി സ്വദേശി ജിജിന്‍ ജോയിയുടെ പരിക്ക് ഗുരുതരമാണ്. ഇയാളെ അങ്കമാലിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ലിയയെ ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെയാണ് അപകടമുണ്ടായതെന്ന് പോലീസ് അറിയിച്ചു.
