കൊല്ലം ചവറയില്‍ മത്സ്യത്തൊഴിലാളികള്‍ സഞ്ചരിച്ച മിനിബസ് ലോറിയിലിടിച്ച് നാല് മരണം. തിരുവനന്തപുരം, തമിഴ്നാട് സ്വദേശികളായ മത്സ്യത്തൊഴിലാളികളാണ് മരിച്ചത്. കരുണാമ്പരം(56), ബര്‍ക്കുമന്‍സ്(45), ജസ്റ്റിന്‍(56), ബിജു(35) എന്നിവരാണ് മരിച്ചത്. രാത്രി 12.30ന് ദേശീയപാതയില്‍ ഇടപ്പള്ളി കോട്ടയ്ക്ക് സമീപമായിരുന്നു അപകടം.
പുല്ലുവിളയില്‍ നിന്ന് ബേപ്പൂരേക്ക് മത്സ്യത്തൊഴിലാളികളുമായി പോയ മിനി ബസില്‍ തിരുവനന്തപുരത്തേക്ക് മത്സ്യവുമായി പോയ ഇന്‍സുലേറ്റഡ് വാന്‍ ഇടിച്ചാണ് അപകടമുണ്ടായത്.
ഗുരുതരമായി പരുക്കേറ്റ രണ്ടുപേരെ തിരുവന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. 22 പേരെ കരുനാഗപ്പള്ളി താലൂക്ക് ആശുപത്രിയിലേക്ക് മാറ്റി.
