മൂവാറ്റുപുഴ: കാറും കെഎസ്ആര്‍ടിസി ബസും കൂട്ടിയിടിച്ച് വിദ്യാര്‍ത്ഥി മരിച്ചു.
മൂവാറ്റുപുഴ – പിറവം റോഡില്‍ എയ്ഞ്ചല്‍ വോയ്‌സ് ജംഗ്ഷനു സമീപം വെള്ളിയാഴ്ച
വൈകുന്നേരമാണ് അപകടമുണ്ടായത്. കോതമംഗലം മാര്‍ അത്തനേഷ്യസ് എന്‍ജിനീയറിംഗ് കോളേജിലെ വിദ്യാര്‍ത്ഥി സിദ്ധാര്‍ത്ഥ് ആണ് മരണമടഞ്ഞത്. ഗുരുതരമായി പരിക്കേറ്റ ഫാത്തിമ (നെല്ലിക്കുഴി -20), അസ്‌റ ( ഇല്ലിക്കല്‍ -19) എന്നിവരെ ആലുവ രാജഗിരി ആശുപത്രിയിലും, ഐഷയെ മൂവാറ്റുപുഴ നിര്‍മ്മല ആശുപത്രിയിലും പ്രവേശിപ്പിച്ചു. വിദ്യാര്‍തഥികള്‍ സഞ്ചരിച്ചിരുന്ന കാര്‍ കെഎസ്ആര്‍ടിസി ബസുമായി കൂട്ടിയിടിച്ചാണ് അപകടം ഉണ്ടായത്.
അരീക്കല്‍ വെള്ളച്ചാട്ടം കണ്ട് മടങ്ങുകയായിരുന്ന വിദ്യാര്‍ത്ഥികള്‍ സഞ്ചരിച്ചിരുന്ന കാര്‍ മറ്റൊരു വാഹനത്തെ ഓവര്‍ടേക്ക് ചെയ്യുന്നതിനിടെ കെഎസ്ആര്‍ടിസിയുമായി നേര്‍ക്കുനേര്‍ കൂട്ടിയിടിക്കുകയായിരുന്നു. ആറ് വിദ്യാര്‍ത്ഥികളാണ് കാറിലുണ്ടായിരുന്നത്. സിദ്ധാര്‍ത്ഥന്റ മൃതദേഹം മൂവാറ്റുപുഴ ജനറല്‍ ആശുപത്രി മോര്‍ച്ചറിയില്‍. ഗുരുതരമായി പരിക്കേറ്റ രണ്ടുപേരെ ആലുവ രാജഗിരി ആശുപത്രിയിലും, മൂന്നുപേരെ മൂവാറ്റുപുഴ നിര്‍മ്മല ആശുപത്രിയിലും പ്രവേശിപ്പിച്ചിരിക്കുകയാണ് .അപകടത്തില്‍ കാര്‍ പൂര്‍ണമായും തകര്‍ന്നു.
