ഇടുക്കി: ചേലച്ചോട്ടില്‍ കെഎസ്ആര്‍ടിസി ബസും ടോറസ് ലോറിയും കൂട്ടിയിടിച്ച്‌ അപകടം. എട്ട് പേര്‍ക്ക് പരിക്കേറ്റു.
ഇതില്‍ കെഎസ്ആര്‍ടിസി ഡ്രൈവറുടെ പരിക്ക് ഗുരുതരമാണ്. ഇയാളെ ഇടുക്കി മെഡിക്കല്‍ കോളജ് ആശുപത്രിയിലേക്ക് മാറ്റി. മറ്റുള്ളവരെ ചേലച്ചോട്ടിലെ സ്വകാര്യ ആശുപത്രിയില്‍ പ്രവേശിപ്പിച്ചു.
രാവിലെ 11.15നാണ് സംഭവം. തൊടുപുഴയില്‍ നിന്ന് ചേലച്ചോട്ടിലേക്ക് വന്ന ബസാണ് അപകടത്തില്‍പെട്ടത്. ചേലച്ചോട് ബസ്‌സ്റ്റാന്‍ഡിലേക്ക് പ്രവേശിക്കുന്നതിന് തൊട്ട് മുമ്ബ് എതിരെ വന്ന ടോറസുമായി കൂട്ടിയിടിക്കുകയായിരുന്നു.
നിയന്ത്രണം വിട്ട ബസ് പിന്നീട് സമീപത്തെ ഹൈമാസ്റ്റ് ലൈറ്റിന്‍റെ പോസ്റ്റില്‍ ഇടിച്ച്‌ നില്‍ക്കുകയായിരുന്നു.
