കൊച്ചി: ചലച്ചിത്ര നടിയും നിര്മാതാവുമായ സാന്ദ്ര തോമസ് ആശുപത്രിയില്. ഡെങ്കിപ്പനി കാരണം രക്തസമ്മര്ദം കുറഞ്ഞതിനെ തുടര്ന്നാണ് ഐസിയുവില് പ്രവേശിപ്പിച്ചത്. സാന്ദ്ര തോമസിന്റെ സഹോദരി സ്നേഹയാണ് ഇക്കാര്യം അറിയിച്ചത്.
“കുറഞ്ഞ രക്തസമ്മര്ദ്ദത്തെയും ഹൃദയമിടിപ്പിനെയും തുടര്ന്ന് ചേച്ചിയെ ആശുപത്രിയില് പ്രവേശിപ്പിച്ചിരിക്കുകയാണ്. ഡോക്ടര്മാരുടെ വിശദപരിശോധനയില് ഡെങ്കിപ്പനി സ്ഥിരീകരിച്ചു. ഐസിയുവില് ആയിട്ട് ഇപ്പോള് രണ്ട് ദിവസം പിന്നിടുന്നു. ആരോഗ്യസ്ഥിതി മെച്ചപ്പെട്ടു വരുന്നുണ്ട്. നിങ്ങളുടെ എല്ലാവരുടെയും പ്രാര്ഥന ഒപ്പം വേണം” എന്നാണ് ഫേസ്ബുക്ക് കുറിപ്പില് കൂടി സ്നേഹ പറഞ്ഞത്.
ഫ്രൈഡേ, സക്കറിയായുടെ ഗര്ഭിണികള്, മങ്കിപെന്, പെരുച്ചാഴി തുടങ്ങിയ ചിത്രങ്ങളുടെ നിര്മാതാവാണ് സാന്ദ്ര. ആമേന്, സഖറിയയുടെ ഗര്ഭണികള്, ആട് തുടങ്ങിയ ചിത്രങ്ങളില് അഭിനയിച്ചിട്ടുണ്ട്.
