കൊല്ലം: അഞ്ചാലുമൂട് സ്വദേശിനിയായ ഷബ്‌നയെ കാണാതായ സംഭവത്തില്‍ ദുരൂഹത. ഇത് സംമ്പന്ദിച്ച് വീട്ടുകാരും ബന്ധുക്കളും കൊല്ലം സിറ്റി പൊലിസ് കമ്മീഷണര്‍ക്ക് പരാതി നല്‍കി. പഠിക്കാന്‍ പോയ കുട്ടിയുടെ ചെരിപ്പും ബാഗും കൊല്ലം ബീച്ചില്‍ നിന്ന് കണ്ടെടുത്തിരുന്നു.
കൊല്ലം അഞ്ചാലുമൂട് നീരാവില്‍ സ്വദേശിയായ ഷബ്‌ന കഴിഞ്ഞ 17 ന് വീട്ടില്‍ നിന്ന് പിഎസ് സി കോച്ചിംഗ് ക്ലാസിലേക്ക് പോയതാണ്. ക്ലാസിലെത്തിയിരുന്നതായി സഹപാഠികളും അധ്യാപകരും പറയുന്നു.
പൊലീസ് അന്വേഷണത്തിലും കാര്യമായ സൂചനയൊന്നും കിട്ടിയില്ല. സിസിടിവി ദൃശ്യങ്ങള്‍ പരിശോധിച്ച പൊലിസ് ഷബ്‌ന കൊല്ലം ബീച്ചിലേക്ക് പോയതായി കണ്ടെത്തി. ഷബ്‌നയുടെ സുഹൃത്തുക്കളായ ചിലരെ ചോദ്യം ചെയ്തു.വര്‍ക്കല വരെ പൊലീസ് പരിശോധന നടത്തിയെങ്കിലും ഫലമുണ്ടായില്ല.
