ബോളിവുഡിലെ പ്രശസ്ത നൃത്ത സംവിധായിക സരോജ് ഖാന്‍ (71) അന്തരിച്ചു. ശ്വസന സംബന്ധ മായ അസുഖത്തെ തുടര്‍ന്ന് മുംബൈയിലെ ആശുപത്രിയില്‍ ചികിത്സയിലായിരുന്ന സരോജ് ഇന്ന് പുലര്‍ച്ചയോടെയാണ് മരിച്ചത്. മൂന്നുവട്ടം ദേശീയ പുരസ്‌കാരവും മറ്റ് പുരസ്‌കാരങ്ങളും ലഭിച്ച സരോജ് വലിയ ഹിറ്റ് പടങ്ങള്‍ക്കായിരുന്നു നൃത്ത സംവിധാനം ചെയ്തിരുന്നത്. മാധുരി ദീക്ഷിത് അഭിനയിച്ച ‘ഏക് ദോ തീന്‍'(സിനിമ-തേസാബ്), ഐശ്വര്യ റായി ബച്ചനും മാധുരി ദീക്ഷിതും ചുവടുകള്‍വെച്ച ‘ഡോലാ രേ'(സിനിമ-ദേവദാസ്), കരീന കപൂര്‍ അഭിനയിച്ച ‘യേ ഇഷ്‌ക് ഹായേ'(സിനിമ-ജബ് വി മെറ്റ് ) തുടങ്ങി ഒട്ടേറെ ഹിറ്റ് ഗാനങ്ങളുടെ കോറിയോഗ്രഫി നിര്‍വഹിച്ചത് സരോജ് ഖാനായിരുന്നു. കരണ്‍ ജോഹര്‍ സംവിധാനം ചെയ്ത കലങ്ക് സിനിമയിലെ ‘തബാ ഹോ ഗയേ’ ആണ് അവസാനം നൃത്തസംവിധാനം ചെയ്ത ഗാനം.
