മംഗളുരു: നിരോധനാജ്ഞ നിലനില്ക്കുന്ന മംഗളുരുവില് മലയാളി മാധ്യമപ്രവര്ത്തകരെ കസ്റ്റഡിയിലെടുത്തു പോലീസ്. വെള്ളിയാഴ്ച രാവിലെ സിറ്റി പോലീസ് കമ്മീഷണറുടെ നേതൃത്വത്തിലാണു മാധ്യമപ്രവര്ത്തകരെ വാര്ത്ത റിപ്പോര്ട്ട് ചെയ്യുന്നതില്നിന്നു തടയുകയും കസ്റ്റഡിയില് എടുക്കുകയും ചെയ്തത്.
മാധ്യമ സംഘത്തില്നിന്നു കാമറ അടക്കമുള്ള ഉപകരണങ്ങള് പോലീസ് പിടിച്ചെടുത്തു. മംഗലാപുരത്തുണ്ടായ സംഘര്ഷത്തില് കൊല്ലപ്പെട്ടവരുടെ മൃതദേഹങ്ങള് സൂക്ഷിച്ചിരിക്കുന്ന വെന്ലോക്ക് ആശുപത്രിക്കു സമീപം റിപ്പോര്ട്ട് ചെയ്യുകയായിരുന്ന മാധ്യമപ്രവര്ത്തകരെയാണ് പോലീസ് കസ്റ്റഡിയില് എടുത്തതെന്നാണു വിവരം. മംഗളൂരുവില് നടന്ന പ്രതിഷേധത്തിനിടെ രണ്ടു പേരെ പോലീസ് വെടിവച്ചു കൊലപ്പെടുത്തിയിരുന്നു. സംഘര്ഷത്തിന്റെ പശ്ചാത്തലത്തില് മംഗളൂരൂ കമ്മീഷണറേറ്റ് പരിധിയില് മുഴുവന് കര്ഫ്യൂ പ്രഖ്യാപിച്ചിരിക്കുകയാണ്.
