മൂവാറ്റുപുഴ: ഇ എം എസ്- എ കെ ജി ദിനാചരണത്തിന്റെ ഭാഗമായി സി പി എം മൂവാറ്റുപുഴ മുനി. സൗത്ത് ലോക്കല്‍ കമ്മിറ്റിയുടെ നേതൃത്വത്തില്‍ കുടുംബസംഗമം സംഘടിപ്പിച്ചു.കിഴക്കേക്കര ശ്രീഭദ്ര ഓഡിറ്റോറിയത്തില്‍ വച്ച്
നടന്ന സംഗമം എസ് എഫ് ഐ ജില്ല സെക്രട്ടറി വി എം ജുനൈദ് ഉദ്ഘാടനം ചെയ്തു. മുനിസിപ്പല്‍ സ്റ്റാന്‍ഡിംഗ് കമ്മിറ്റി ചെയര്‍മാന്‍ സി എം സീതി സംഗമത്തില്‍ അദ്ധ്യക്ഷനായി. എം ജി യൂണിവേഴ്‌സിറ്റി കലോത്സവത്തില്‍ കുച്ചിപ്പുടി, ഭരതനാട്യം എന്നിവയില്‍ എ ഗ്രേഡ് നേടിയ മീനാക്ഷി തമ്പിയെയും, കേരളനടനത്തില്‍ മികച്ച പ്രകടനം കാഴ്ച്ചവച്ച കീര്‍ത്തി രാജുവിനെയും ഏരിയ കമ്മിറ്റിയംഗം യു ആര്‍ ബാബു സ്‌നേഹോപഹാരം നല്‍കി ആദരിച്ചു.ലോക്കല്‍ സെക്രട്ടറി സജി ജോര്‍ജ്, ലോക്കല്‍ കമ്മിറ്റിയംഗങ്ങളായ എസ് വിജയചന്ദ്രന്‍, എന്‍ ജി ലാലു എന്നിവര്‍ സംസാരിച്ചു..
