‘രാജ്യത്തെ ആദ്യ വന്ദേ മെട്രോ ട്രെയിന് ‘നമോ ഭാരത് റാപിഡ്’ റെയില് പ്രധാനമന്ത്രി നരേന്ദ്ര മോദി ഫ്ലാഗ് ഓഫ് ചെയ്തു. തുറക്കുന്നതിന് തൊട്ടുമുമ്പ് വന്ദേ മെട്രോയുടെ പേര് മാറ്റി. വന്ദേ മെട്രോയെ ഇനി നമോ ഭാരത് എക്സ്പ്രസ് റെയിൽവേ എന്ന് വിളിക്കും.
ഒമ്പത് സ്റ്റേഷനുകളിലാണ് ഈ ട്രെയിൻ നിർത്തുന്നത്. ട്രെയിൻ ബുധനാഴ്ച പതിവ് സർവീസ് ആരംഭിക്കും. 455 രൂപയാണ് അഹമ്മദാബാദിനും ഭുജിനും ഇടയിലുള്ള ടിക്കറ്റ് നിരക്ക്. അത്യാധുനിക സൗകര്യങ്ങളുള്ള പൂര്ണ്ണമായും ശീതീകരിച്ച ട്രെയിനാണിത്. അത്യാധുനിക സുരക്ഷാ സംവിധാനങ്ങളും ഇതിലുണ്ട്.
1,150 യാത്രക്കാര്ക്ക് ഇരിക്കാവുന്ന 12 കോച്ചുകള് ഉള്ക്കൊള്ളുന്ന നമോ ഭാരത് റാപിഡില് റിസര്വേഷന്റെ ആവശ്യമില്ല. മിനിമം 30 രൂപയാണ് ടിക്കറ്റ് നിരക്ക്.ഗുജറാത്തിലെ ഭുജില് നിന്ന് അഹമ്മദാബാദിലേക്ക് ഇതിന്റെ ആദ്യ സര്വീസ് പ്രധാനമന്ത്രി നരേന്ദ്ര മോദി ഇന്ന് ഫ്ളാഗ് ഓഫ് ചെയ്യാനിരിക്കെയായിരുന്നു പേര് മാറ്റം. ആറ് വന്ദേഭാരത് സര്വീസുകള്ക്ക് കൂടി പ്രധാനമന്ത്രി ഇന്ന് ഫ്ളാഗ് ഓഫ് ചെയ്തു.