മിന്നല്‍ മുരളി എന്ന ബ്ലോക്ക്ബസ്റ്റര്‍ സൂപ്പര്‍ഹീറോ ചിത്രത്തിന് ശേഷം, വീക്കെന്‍ഡ് സിനിമാറ്റിക് യൂണിവേഴ്സ് എന്ന ബാനറില്‍, സോഫിയ പോള്‍ നേതൃത്വം നല്‍കുന്ന വീക്കെന്‍ഡ് ബ്ലോക്ക്ബസ്റ്റര്‍സ് നിര്‍മ്മിക്കുന്ന ധ്യാന്‍ ശ്രീനിവാസന്‍ ടൈറ്റില്‍ റോളില്‍ അഭിനയിക്കുന്ന പുതിയ ചിത്രത്തിന്റെ ടൈറ്റില്‍ പുറത്ത്. ‘ഡിറ്റക്റ്റീവ് ഉജ്ജ്വലന്‍’ എന്നാണ് ചിത്രത്തിന്റെ പേര്.
മൂന്ന് മിനിറ്റ് ദൈര്‍ഘ്യമുള്ള ടൈറ്റില്‍ ടീസറിലൂടെ ആണ് ചിത്രത്തിന്റെ ടൈറ്റില്‍ പുറത്ത് വിട്ടിരിക്കുന്നത്. നവാഗതരായ ഇന്ദ്രനീല്‍ ഗോപീകൃഷ്ണന്‍- രാഹുല്‍ ജി എന്നിവര്‍ ചേര്‍ന്ന് രചിച്ചു സംവിധാനം ചെയ്യുന്ന ഈ ബിഗ് ബഡ്ജറ്റ് മിസ്റ്ററി ക്രൈം ഇന്‍വെസ്റ്റിഗേഷന്‍ ത്രില്ലര്‍ ചിത്രം അടുത്ത വര്‍ഷം പ്രേക്ഷകരുടെ മുന്നിലെത്തും. ചിത്രത്തിന്റെ താരനിരയെ കുറിച്ചുള്ള കൂടുതല്‍ വിവരങ്ങളും വൈകാതെ പുറത്തു വരും.
ഛായാഗ്രഹണം- പ്രേം അക്കാട്ടു, ശ്രയാന്റി, സംഗീതം- ആര്‍ സീ, എഡിറ്റിംഗ്- ചമന്‍ ചാക്കോ, കലാസംവിധാനം- കോയാസ് എം, സൗണ്ട് ഡിസൈനര്‍- സച്ചിന്‍ സുധാകരന്‍, സിങ്ക് സിനിമ, സൗണ്ട് എന്‍ജിനീയര്‍- അരവിന്ദ് മേനോന്‍, വസ്ത്രാലങ്കാരം- നിസാര്‍ റഹ്മത്, മേക്കപ്പ്- ഷാജി പുല്‍പള്ളി, പ്രൊഡക്ഷന്‍ കണ്‍ട്രോളര്‍- ജാവേദ് ചെമ്പു, ചീഫ് അസ്സോസിയേറ്റ് ഡയറക്ടര്‍- രതീഷ് മൈക്കല്‍, പോസ്റ്റര്‍ ഡിസൈന്‍- യെല്ലോ ടൂത്ത്, ഡിസ്ട്രിബൂഷന്‍ ഹെഡ്- പ്രദീപ് മേനോന്‍, ഡിജിറ്റല്‍ മാര്‍ക്കറ്റിങ്- അനൂപ് സുന്ദരന്‍. പിആര്‍ഒ- ശബരി.
