വയനാട്ടിൽ ഉരുൾപൊട്ടലുണ്ടായ മേപ്പാടി ചൂരൽമല ദുരന്തസ്ഥലം സന്ദർശിച്ച ശേഷമാണ് അദ്ദേഹം ദുരിതാശ്വാസ ക്യാമ്പിലെത്തിയത്. മേപ്പാടി സെന്‍റ് ജോസഫ്സ് സ്കൂളിലെ ദുരിതാശ്വാസ ക്യാമ്പിലാണ് പ്രധാനമന്ത്രി നരേന്ദ്ര മോദിയെത്തിയത്. ക്യാമ്പിൽ ഒമ്പതുപേരെ പ്രധാനമന്ത്രി മോദി കണ്ടു. ഈ ദുരന്തത്തിൽ തങ്ങളുടെ പ്രിയപ്പെട്ടവരെ നഷ്ടപ്പെട്ടവർ പ്രധാനമന്ത്രിയോട് അനുശോചനം രേഖപ്പെടുത്തി. 25 മിനിട്ടോളം നേരമാണ് പ്രധാനമന്ത്രി ക്യാമ്പിൽ ചിലവഴിച്ചത്.
ക്യാമ്പുകളില്‍ കഴിയുന്നവരുടെ പ്രതിനിധികളായാണ് ഒമ്പതുപേര്‍ പ്രധാനമന്ത്രിയുമായി സംസാരിച്ചത്. ദുരിതാശ്വാസ ക്യാമ്പിലെ സന്ദര്‍ശനത്തിനുശേഷം മേപ്പാടിയിലെ വിംസ് ആശുപത്രിയില്‍ പ്രധാനമന്ത്രി എത്തും. ദുരന്തത്തെ തുടർന്ന് ആശുപത്രിയിൽ കഴിയുന്ന നാലുപേരെ പ്രധാനമന്ത്രി മോദി സന്ദർശിച്ചു. ദുരന്തബാധിതരോട് വാക്കുകള്‍ കേട്ട പ്രധാനമന്ത്രി അവരെ ആശ്വസിപ്പിച്ചു.
