കൊല്ലം: കെഎസ്ആർടിസി കൊല്ലം പുനലൂർ സ്റ്റേഷനിൽ നിന്ന് ബസ് മോഷണം പോയി. ഡിപ്പോയ്ക്ക് സമീപം പത്തനാപുരം റോഡിൽ നിർത്തിയിട്ടിരുന്ന ബസാണ് ഇന്നലെ രാത്രി മോഷണം പോയത്. ബസുമായി കടന്ന ഒറ്റക്കൽ സ്വദേശി ബിനീഷിനെ രാത്രി പരിശോധന നടത്തുകയായിരുന്ന പൊലീസുകാർ പിടികൂടി.
ഹെഡ്‌ലൈറ്റ് ഇടാത്തതിനാൽ ബസ് നിർത്താൻ പോലീസ് ആവശ്യപ്പെട്ടതോടെ പ്രതി കുടുങ്ങി. പോലീസ് കൈകാണിച്ചെങ്കിലും ബസ് ദൂരെ നിർത്തി. തുടർന്ന് രക്ഷപ്പെടാൻ ശ്രമിച്ച പ്രതിയെ പിടികൂടുകയായിരുന്നു.
