യു.എ.ഇയിൽ പെട്രോൾ വില കുറച്ചു. ലിറ്ററിന് 15 ഫിൽസ് ആണ് കുറച്ചത്. ഇതോടെ സ്പെഷ്യൽ, സൂപ്പർ പെട്രോളുകളുടെ വില മൂന്ന് ദിർഹത്തിൽ താഴെയെത്തി.സൂപ്പര്‍ പെട്രോളിന് 2 ദിര്‍ഹം 99 ഫില്‍സും സ്‌പെഷ്യല്‍ പെട്രോളിന് 2 ദിര്‍ഹം 88 ഫില്‍സുമാണ് പുതിയ നിരക്ക്.ഇ-പ്ലസിന്റെ വില 2 ദിർഹം 95 ഫിൽസിൽ നിന്നും 2 ദിർഹം 80 ഫിൽസ് ആയി കുറഞ്ഞു.
അതേസമയം ഡീസലിന്റെ വില നേരിയ തോതിൽ വർധിപ്പിച്ചു. രണ്ട് ദിർഹം 88 ഫിൽസിൽ നിന്നും 2 ദിർഹം 89 ഫിൽസ് ആയാണ് ഡീസൽ വില വർധിപ്പിച്ചത്.പുതിയ നിരക്ക് ഇന്ന് അര്‍ധരാത്രി പ്രാബല്യത്തില്‍ വരും.
