ചെന്നൈ:അവധിക്കാല തിരക്ക് കുറയ്ക്കുന്നതിനായി മലബാര്‍ മേഖലയിലേക്ക് പുതിയ ട്രെയിന്‍ ഏര്‍പ്പെടുത്തി ദക്ഷിണ റെയില്‍വേ. താംബരം- മംഗളൂരു സ്‌പെഷല്‍ ട്രെയിന്‍(06049) 19, 26, മേയ് 3, 10, 17, 24, 31 എന്നീ തീയതികളില്‍ താംബരത്ത് നിന്നു സര്‍വീസ് നടത്തും. ഉച്ചയ്ക്ക് 1.30നു പുറപ്പെടുന്ന ട്രെയിനിന് നഗരത്തില്‍ എഗ്മൂര്‍ (2.00), പെരമ്പൂര്‍ (2.48) എന്നിവിടങ്ങളില്‍ സ്റ്റോപ്പുണ്ടാകും. കേരളത്തില്‍ പാലക്കാട്, ഒറ്റപ്പാലം, ഷൊര്‍ണൂര്‍, തിരൂര്‍, കോഴിക്കോട്, വടകര, തലശ്ശേരി, കണ്ണൂര്‍, പയ്യന്നൂര്‍, കാസര്‍കോട് എന്നിവിടങ്ങളില്‍ സ്റ്റോപ്പുണ്ട്.
മടക്കസര്‍വീസ്(06050) 21, 28, മേയ് 5, 12, 19, 26, ജൂണ്‍ 2 എന്നീ തീയതികളില്‍ മംഗളൂരു സെന്‍ട്രലില്‍ നിന്ന് ഉച്ചയ്ക്ക് 12നു പുറപ്പെട്ട് പിറ്റേന്നു പുലര്‍ച്ചെ 5.30നു താംബരത്ത് എത്തും. പെരമ്പൂര്‍ (3.15), എഗ്മൂര്‍ (4.05) എന്നിവിടങ്ങളിലും സ്റ്റോപ്പുണ്ട്. 19 സ്ലീപ്പര്‍ കോച്ചുകളും 2 ദിവ്യാംഗന്‍ സെക്കന്‍ഡ് ക്ലാസ് കോച്ചുകളുമുണ്ട്. സ്‌പെഷല്‍ സര്‍വീസുകളിലെ ബുക്കിങ് തുടങ്ങി.
ചെന്നൈ ഡിവിഷനില്‍ വിവിധ അറ്റകുറ്റപ്പണികള്‍ നടക്കുന്നതിനാല്‍ മെമു ട്രെയിന്‍ സര്‍വീസുകളില്‍ നിയന്ത്രണം ഏര്‍പ്പെടുത്തി.
-
രാവിലെ 9.30നുള്ള കാട്പാടിജോലാര്‍പേട്ട് (06417), ഉച്ചയ്ക്ക് 12.45നുള്ള ജോലാര്‍പേട്ട്കാട്പാടി (06418) എന്നിവ ഇന്നും 20നും റദ്ദാക്കി.
-
രാവിലെ 10നുള്ള വെല്ലൂര്‍ആര്‍ക്കോണം (06736), ഉച്ചയ്ക്ക് 2.50നുള്ള ആര്‍ക്കോണംവെല്ലൂര്‍ (06735) എന്നിവ 17, 24, 26 തീയതികളില്‍ റദ്ദാക്കി.
-
രാവിലെ 6.25നുള്ള കെഎസ്ആര്‍ ബെംഗളൂരുചെന്നൈ സെന്‍ട്രല്‍ ലാല്‍ബാഗ് എക്‌സ്പ്രസ് (12608) 17നും 24നും കാട്പാടിയില്‍ യാത്ര അവസാനിപ്പിക്കും.
-
ഉച്ചയ്ക്ക് 1.35നുള്ള ചെന്നൈ സെന്‍ട്രല്‍മൈസൂരു എക്‌സ്പ്രസ് (12609) 17നും 24നും 3.45നു കാട്പാടിയില്‍ നിന്നു പുറപ്പെടും.
-
പുലര്‍ച്ചെ 5നുള്ള മൈസൂരുചെന്നൈ സെന്‍ട്രല്‍ (12610) 30നു കാട്പാടിയില്‍ യാത്ര അവസാനിപ്പിക്കും.
-
വൈകിട്ട് 3.30നുള്ള ചെന്നൈ സെന്‍ട്രല്‍കെഎസ്ആര്‍ ബെംഗളൂരു ലാല്‍ബാഗ് എക്‌സ്പ്രസ് (12607) 30നു 5.30നു കാട്പാടിയില്‍ നിന്നാകും പുറപ്പെടുക.
