ആലുവ: ദേശീയ പോലീസ് ബാഡ്മിന്റന്‍ ചാമ്പ്യന്‍ഷിപ്പില്‍ ഇരട്ട മെഡല്‍ നേടിയ ഐസി മോള്‍ക്ക് റൂറല്‍ പോലീസിന്റെ ആദരം. ജില്ലാ പോലീസ് ആസ്ഥാനത്ത് വച്ചാണ് റൂറല്‍ ജില്ലാ പോലീസ് മേധാവി ഡോ. വൈഭവ് സക്‌സേന ആദരിച്ചത്. കൂത്താട്ടുകുളം പോലീസ് സ്റ്റേഷനിലെ സീനിയര്‍ സിവില്‍ പോലീസ് ഓഫീസറായ ഐസി മോള്‍ തെലുങ്കാനയില്‍ നടന്ന മീറ്റില്‍ ഡബിള്‍സിലും മിക്‌സഡ് ഡബിള്‍സിലും മത്സരിച്ചാണ് കേരള പോലീസിന് ഇരട്ട ബ്രോണ്‍സ് മെഡലുകള്‍ സമ്മാനിച്ചത്. അഡീഷണല്‍ എസ്.പി പി.എം പ്രദീപ് സന്നിഹിതനായിരുന്നു.
