തൃശൂർ: അതിരപ്പിള്ളി പ്ലാന്‍റേഷൻ കോർപറേഷന്‍റെ എണ്ണപ്പന തോട്ടത്തില്‍ കണ്ടെത്തിയ കാട്ടാന അവശനിലയില്‍ തന്നെ. ആനയ്ക്ക് സഞ്ചരിക്കാൻ കഴിയുന്നില്ല.
ചൊവ്വാഴ്ച രാവിലെ മുതല്‍ ആന എണ്ണപ്പന തോട്ടത്തിലുണ്ട്. രണ്ട് കൊമ്ബന്മാർ ആണ് ഇവിടെയെത്തിയത്. എന്നാല്‍ ഒരു ആന മടങ്ങിയെങ്കിലും ഈ ആന സ്ഥലത്ത് നിലയുറപ്പിക്കുകയായിരുന്നു.
ഡോക്ടർമാർ ഉള്‍പ്പടെയുള്ള വിദഗ്ധർ സ്ഥലത്ത് ഉടനെത്തുമെന്നാണ് സൂചന. വനം വകുപ്പ് ഉദ്യോഗസ്ഥർ ആനയെ നിരീക്ഷിച്ചു വരികയാണ്. എരണ്ടക്കെട്ട് മൂലമാണ് ആനയുടെ ആരോഗ്യസ്ഥിതി മോശമായതെന്നാണ് സൂചന.
