കോഴിക്കോട്: മുഖ്യമന്ത്രിയുടെ മകള്‍ വീണ വിജയന്‍റെ കമ്പനിക്കെതിരായ കേന്ദ്രസര്‍ക്കാരിന്‍റെ അന്വേഷണവും ഒത്തുതീര്‍പ്പിന്‍റെ ഭാഗമാകാമെന്ന് കെ.മുരളീധരൻ എംപി. കേന്ദ്ര ഏജൻസികള്‍ സെക്രട്ടേറിയറ്റില്‍ കയറേണ്ട സമയം കഴിഞ്ഞെന്നും അദ്ദേഹം കൂട്ടിച്ചേര്‍ത്തു.കേന്ദ്ര ഏജൻസികളുടെ കേരളത്തിലെ അന്വേഷണം എന്തുമാത്രം മുന്നോട്ടുപോകുമെന്നത് ഇവര്‍ തമ്മിലുള്ള അന്തര്‍ധാരയെ ആശ്രയിച്ചിരിക്കും.
ഞങ്ങള്‍ ഇതില്‍ വലിയ ആവേശമൊന്നും കാണിക്കുന്നില്ല കാരണം, കേന്ദ്ര ഏജൻസികള്‍ സെക്രട്ടേറിയറ്റില്‍ കയറേണ്ട സമയം കഴിഞ്ഞു. ഇപ്പോള്‍ കയറും കയറുമെന്ന് പറയുന്നതല്ലാതെ കയറുന്നില്ല. അത് ഒത്തുതീര്‍പ്പിന്‍റെ ഭാഗമായാണ് കാണുന്നതെന്നും മുരളീധരൻ പറഞ്ഞു.ഇതൊരു ഭീഷണിയാണ്, ഞങ്ങളുടെ സമ്മര്‍ദത്തിനു വഴങ്ങിയില്ലെങ്കില്‍ ശരിക്ക് കയറണമെങ്കില്‍ കയറും. അതു കാണുമ്ബോഴേക്കും മുഖ്യമന്ത്രി അകപ്പെടും. അതുകൊണ്ട് ഇതൊരു അന്തര്‍ധാരയില്‍ അവസാനിക്കുമെന്നാണ് കണക്കുകൂട്ടുന്നതെന്നും അദ്ദേഹം കൂട്ടിച്ചേര്‍ത്തു.
