ഇടുക്കി: വണ്ടിപ്പെരിയാറിന് സമീപം ചെങ്കരയില്‍ ശബരിമല തീര്‍ഥാടകരുടെ വാഹനം മറിഞ്ഞ് എട്ട് പേര്‍ക്ക് പരിക്ക്. ഇവരെ സമീപത്തെ സ്വകാര്യ ആശുപത്രിയിലേക്ക് മാറ്റി.ഇവരില്‍ ഒരാളുടെ നില ഗുരുതരമാണ്. നിയന്ത്രണം വിട്ട വാഹനം സമീപത്തെ തെയില തോട്ടത്തിലേക്ക് മറിയുകയായിരുന്നു. തമിഴ്‌നാട്ടില്‍നിന്നുള്ള തീര്‍ഥാടകരുടെ വാഹനമാണ് അപകടത്തില്‍പെട്ടത്.ഡ്രൈവറുള്‍പ്പെടെ 26 പേരാണ് വാഹനത്തില്‍ ഉണ്ടായിരുന്നത്. വഴിതെറ്റിയാണ് വാഹനം ചെങ്കരയില്‍ എത്തിയതെന്നാണ് നിഗമനം.
