കോഴിക്കോട് : നവ കേരള സദസില്‍ പങ്കെടുത്ത രണ്ട് ലീഗ് നേതാക്കള്‍ക്കും ഒരു കോണ്‍ഗ്രസ് നേതാവിനും സസ്‌പെന്‍ഷന്‍. പാര്‍ട്ടിയുടെയും മുന്നണിയുടെയും തീരുമാനത്തിന് വിരുദ്ധമായി നവ കേരള സദസില്‍ പങ്കെടുത്ത എന്‍.അബൂബക്കറിനെ കോണ്‍ഗ്രസില്‍ നിന്ന് സസ്പെന്ഡ് ചെയ്തു. കുന്നമംഗലം ബ്ലോക്ക് പഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍മാനായ എന്‍.അബൂബക്കര്‍ പെരുവയല്‍ മണ്ഡലം മുന്‍ പ്രസിഡന്റ്ആണ്.
സദസ്സില്‍ പങ്കെടുത്ത കൊടുവള്ളി നിയോജകമണ്ഡലം മുസ്ലിം ലീഗ് സെക്രട്ടറി യു.കെ ഹുസൈന്‍, കട്ടിപ്പാറ പഞ്ചായത്ത് പഴവണ വാര്‍ഡ് മുസ്ലിം ലീഗ് പ്രസിഡന്റ് മൊയ്തു മുട്ടായി എന്നിവരെയും അന്വേഷണ വിധേയമായി സസ്പെന്ഡ് ചെയ്തു. ലീഗ് സംസ്ഥാന കമ്മിറ്റിയുടെതാണ് തീരുമാനം. കഴിഞ്ഞ ദിവസം കോഴിക്കോട് ഒാമശ്ശേരിയില്‍ നടന്ന യോഗത്തിലാണ് ഇവര്‍ പങ്കെടുത്തത്.
