മലപ്പുറം : ഡോക്ടര്‍ നിയമനത്തിന് കോഴയായി തിരുവനന്തപുരത്ത് വച്ച് ഒരു ലക്ഷം രൂപ കൈമാറിയെന്ന ഹരിദാസന്റെ അവകാശവാദം പൂര്‍ണമായി വിശ്വസിക്കാതെ പൊലീസ്. പണം കൈമാറ്റത്തിന് തെളിവ് നല്‍കാന്‍ ഹരിദാസന് സാധിക്കാതിരുന്നതാണ് കാരണം. കാഴ്ചക്ക് പ്രശ്‌നമുള്ളതിനാല്‍ സെക്രട്ടേറിയറ്റ് പരിസരത്ത് വച്ച് പണം വാങ്ങിയയാളെ ഇനി കണ്ടാലും തിരിച്ചറിയില്ലന്ന് ഹരിദാസന് മൊഴി നല്‍കിയതും ദുരൂഹത വര്‍ധിപ്പിച്ചു. അഖില്‍ മാത്യുവാണെന്ന് ഫോട്ടോയിലൂടെ തിരിച്ചറിഞ്ഞു എന്നായിരുന്നു ആദ്യം പറഞ്ഞത്. അഖിലിന്റെ ഫോട്ടോ തന്നത് അഖില്‍ സജീവെന്നും ഹരിദാസന്.
