തിരുവനന്തപുരം : പുതുപ്പള്ളി വാര്‍ത്താസമ്മേളനം തര്‍ക്കം സത്യമെന്ന് സമ്മതിച്ച് സംഭവത്തില്‍ വിശദീകരണവുമായി പ്രതിപക്ഷ നേതാവ് വി.ഡി.സതീശന്‍. മാധ്യമങ്ങളോട് സംസാരിക്കുക യായിരുന്നുഅദ്ദേഹം. ജയത്തിന്റെ ക്രെഡിറ്റ് തനിക്ക് നല്‍കുമെന്ന് കെ.സുധാകരന്‍ പറഞ്ഞിരുന്നു.അത് വേണ്ടെന്ന് പറഞ്ഞിട്ടും സുധാകരന്‍ വാശിപിടിച്ചു. ഈ വിജയത്തിന്റെ ക്രെഡിറ്റ് ടീം യു.ഡു.എഫിനാണെന്ന് പറയാന്‍ താന്‍ ആവശ്യപ്പെട്ടു. ഇക്കാര്യം പറയാന്‍ വന്ന കെ. സുധാകരനെ സംസാരിക്കാതിരിക്കാനാണ് താന്‍ ശ്രമിച്ചത്. ഇത് തടയാന്‍ ശ്രമിച്ചതാണ് തങ്ങള്‍ക്കിടയിലെ വാക്കുതര്‍ക്കമായി തെറ്റിദ്ധരിച്ചതെന്നും സതീശന്‍ കൂട്ടിച്ചേര്‍ത്തു.
സുധാകരന്‍ അങ്ങനെ പറയുന്നത് തടയാനാണ് ആദ്യം സംസാരിക്കാന്‍ ശ്രമിച്ചത്. കൂടുതല്‍ പ്രതികരിക്കാത്തത് തൊണ്ടയ്ക്ക് പ്രശ്‌നം ഉണ്ടായിരുന്നതിനാലെന്നും സതീശന്‍ പറഞ്ഞു.പുതുപ്പള്ളി ഉപതെരഞ്ഞെടുപ്പ് വിജയത്തിന് ശേഷം നടത്തിയ വാര്‍ത്താ സമ്മേളനത്തിലാണ് കെപിസിസി പ്രസിഡന്റും പ്രതിപക്ഷ നേതാവും തമ്മില്‍ തര്‍ക്കിക്കുന്നത്. ആരാദ്യം തുടങ്ങണമെന്ന് ചൊല്ലിയുള്ള സതീശന്റേയും സുധാകരന്റേയും തര്‍ക്ക വിഡിയോ് വൈറലാണ്. ഇതിന് പിന്നാലെയാണ് വിശദീകരണവുമായി പ്രതിപക്ഷ നേതാവ് രംഗത്ത് വന്നത്.
