ആലപ്പുഴ: ആലപ്പുഴ ജില്ലയിലെ പാര്‍ട്ടിക്കുള്ളിലെ വിഭാഗിയതക്കെതിരെ കൂട്ടനടപടിയുമായി സിപിഎം. പിപി. ചിത്തരജ്ഞന്‍ എംഎല്‍എ അടക്കം പ്രമുഖ നേതാക്കളെ പാര്‍ട്ടി നേതൃത്വം തരംതാഴ്ത്തി. ആലപ്പുഴയിലെ പാര്‍ട്ടിയ്ക്കുള്ളിലെ വിഭാഗീതയ്ക്ക് പിന്നാലെയാണ് നേതാക്കളെ തരംതാഴ്ത്തിയത്. ചിത്തരഞ്ജന്‍ എംഎല്‍എക്കൊപ്പം സത്യപാലിനെയും ജില്ലാ സെക്രട്ടറിയേറ്റില്‍ നിന്ന് ജില്ലാ കമ്മിറ്റിയിലേക്ക് പാര്‍ട്ടി തരംതാഴ്ത്തി. ആലപ്പു ഴ സൗത്ത്, ആലപ്പുഴ നോര്‍ത്ത്, ഹരിപ്പാട് എന്നീ മൂന്ന് ഏരിയ കമ്മിറ്റികള്‍ പിരിച്ചുവിട്ടു. ലഹരിക്കടത്ത് കേസില്‍ ഷാനവാസിനെയും പാര്‍ട്ടിയില്‍ നിന്ന് പുറത്താക്കി. വിഭാഗീയത പ്രവര്‍ത്തനങ്ങളില്‍ കുറ്റക്കാരെന്ന് കണ്ടെത്തിയതിനെ തുടര്‍ന്നാണ് നടപടി.
ജില്ലാ സെക്രട്ടേറിയറ്റംഗങ്ങളായ പി.പി. ചിത്തരഞ്ജന്‍ എം.എല്‍.എ., എം. സത്യപാലന്‍, ജില്ലാ കമ്മിറ്റിയംഗങ്ങളായ സി.കെ. സദാശിവന്‍, ടി.കെ. ദേവകുമാര്‍, ശ്രീകുമാര്‍ ഉണ്ണിത്താന്‍ തുടങ്ങി 40-ഓളം പേരോടാണ് സംസ്ഥാന സെക്രട്ടറി വിശദീകരണം തേടിയിരുന്നത്. ഇവരുടെ മറുപടി സംസ്ഥാന സെക്രട്ടറിയേറ്റ് പരിശോധിച്ച് നടപടിയ്ക്കായി ജില്ലാ ഘടകത്തിന് നല്‍കിയിരുന്നു. തുടര്‍ന്നാണ് പാര്‍ട്ടി നടപടി സ്വീകരിച്ചത്. വിശദീകരണ നോട്ടീസ് ലഭിച്ച 25 നേതാക്കളെയും കീഴ്ഘടകത്തിലേക്ക് തരംതാഴ്ത്തിയിട്ടുണ്ട്.
