ആലപ്പുഴ: ദേശിയ പാത വികസനത്തില്‍ ചട്ടം പാലിക്കാതെ ആലപ്പുഴ കരുവാറ്റ പഞ്ചായത്ത് കെട്ടിടം പൊളിച്ചു നീക്കി. പഞ്ചായത്ത് സെക്രട്ടറിക്കെതിരെ നടപടി ആവശ്യപ്പെട്ട് പ്രതിപക്ഷം രംഗത്തുവന്നു. 60 സെന്റിമീറ്റര്‍ പൊളിക്കേണ്ടിടത്താണ് കെട്ടിടത്തിന്റെ മുന്‍ഭാഗം മുഴുവന്‍ പൊളിച്ചിരിക്കുന്നത്.
പഞ്ചായത്ത് സെക്രട്ടറി ഇടപെട്ട് കെട്ടിടം പൊളിച്ചത് ഗുരുതര വീഴ്ചയെന്ന് ഡി.ഡി.പി യുടെ അന്വേഷണത്തില്‍ കണ്ടെത്തി. അന്വേഷണ റിപ്പോര്‍ട്ട് സര്‍ക്കാരിന് സമീപിച്ചു. കെട്ടിടം പൊളിച്ചത് വകുപ്പില്‍ അപേക്ഷ പോലും നല്‍കാതെയാണ്. കെട്ടിടം പൊളിച്ചുമാറ്റിയതില്‍ വിലപിടിപ്പുള്ള സാധനങ്ങള്‍ നഷ്ടപ്പെടുത്തിയെന്നും റിപ്പോര്‍ട്ടില്‍ പറയുന്നു.
ദേശീയ പാത അതോറിറ്റിയുടെ സര്‍വ്വേ റിപ്പോര്‍ട്ട് വൈകിയത് ഡി.ഡി.പി യുടെ അന്വേഷണ റിപ്പോര്‍ട്ട് വൈകാന്‍ കാരണമായി എന്നാണ് പഞ്ചായത്ത് സെക്രട്ടറിയുടെ വാദം. എന്നാല്‍ ദേശീയ പാതക്കായി കെട്ടിടം വിട്ടുനല്‍കണമെന്ന് വര്‍ഷങ്ങള്‍ക്കു മുമ്പേ ധാരണയുള്ളതിനാല്‍ നടപടി ക്രമങ്ങള്‍ പാലിക്കാത്തത് ഗുരുതര വീഴ്ചയെന്നും റിപ്പോര്‍ട്ടില്‍ ചൂണ്ടിക്കാണിക്കുന്നുണ്ട്. പഞ്ചായത്ത് സെക്രട്ടറിക്കെതിരെ നടപടി ആവശ്യപ്പെട്ട് പ്രതിപക്ഷം സമരത്തിലാണ്.
