കൊച്ചി: മലയാള മനോരമ പത്തനംതിട്ട സീനിയര്‍ കോ ഓര്‍ഡിനേറ്റിങ് എഡിറ്റര്‍ റോയി ഫിലിപ്പ് (58) അന്തരിച്ചു. സംസ്‌കാരം പിന്നീട്. കോഴഞ്ചേരി സെന്റ് തോമസ് കോളജില്‍ ബിരുദാനന്തര ബിരുദ പഠനത്തിനു ശേഷം 1987ല്‍ മനോരമ പത്രാധിപ സമിതിയില്‍ ചേര്‍ന്നു. പത്തനംതിട്ട പ്രക്കാനം തുണ്ടിയത്ത് പരേതരായ ടി സി ഫിലിപ്പോസിന്റെയും കുളത്തൂപ്പുഴ ചന്ദനക്കാവ് പുത്തന്‍പുരയ്ക്കല്‍ ലീലാമ്മയുടെയുടെയും മകനാണ്. കുമ്പളാംപൊയ്ക പുതുച്ചിറ ജോ വില്ലയില്‍ പി ഇ ഏബ്രഹാമിന്റെ മകള്‍ ജിജയാണ് ഭാര്യ. മക്കള്‍: ആന്‍, ഫിലിപ്പ്. മനോരമയില്‍ 35 വര്‍ഷം സേവനമനുഷ്ഠിച്ച റോയി കോട്ടയം, കോഴിക്കോട്, തിരുവനന്തപുരം യൂണിറ്റുകളിലും പ്രവര്‍ത്തിച്ചു. പാലക്കാട് കോ ഓര്‍ഡിനേറ്റിങ് എഡിറ്ററുമായിരുന്നു.
